For a' that, and a' that,
             Here's Heron yet for a' that,
             The independent patriot,
             The honest man, an' a' that.
 

III.

Tho' wit and worth in either sex,
St. Mary's Isle can shaw that;
Wi' dukes and lords let Selkirk mix,
And weel does Selkirk fa' that.

             For a' that, and a' that,
             Here's Heron yet for a' that!
             The independent commoner
             Shall be the man for a' that.
 

IV.

But why should we to nobles jouk,
And it's against the law that;
For why, a lord may be a gouk,
Wi' ribbon, star, an' a' that.

             For a' that, an' a' that,
             Here's Heron yet for a' that!
             A lord may be a lousy loun,
             Wi' ribbon, star, an' a' that.
 

V.

A beardless boy comes o'er the hills,
Wi' uncle's purse an' a' that;
But we'll hae ane frae 'mang oursels,
A man we ken, an' a' that.