Lit.
Kuviasûtigivara, Nâlekab nippiga ĸenunikkalo tussarmagit, siutine maningmago uvamnut; tamanna pivlugo inôsera nâvlugo nipliavigijomavara.
Mel. 7.
Ill.
4.
Oĸumaigijattit
oĸautigisâkit
ômunga, tussarmattit
ikajorniarlutit.
Mel. 205.
5.
Amen illa,
Halleluja!
Tamapta nertorlaptigit!
tessiornit
uvaptingnik
tukisiĸattalauĸpavut.
Takunâtsainarmikit
illagêktoĸotitit;
illũnatik attunit
illingnut perĸutaulit!
Mel. 151 g.
6.
Saimarluta õmatit
ittervigilavut!
Ajortut nâpkigikit,
taimaktauĸ âniajut!
Tarnimikut kiksartut
manigutsainakit,
ungajullo illingnik
illannârẽnakit!
Mel. 114.
Ang.
7.
Gûd, pairikit tamât kattititatit
inôgutiksaĸartilugillo;
Arn.
tamartut ĸeneriartulaukit
ĸairĸovlugillo uttertilaungmikit;
Ill.
ĸanimajut inûlilaungmikit
illũnaita issumagivlugit.
Lit.
Gûdible tunitjivigilise ajoĸsarungnairutiksapsingnik tamainik akluinerminut ânanaunerme Kristuse Jêsusekut, tunidjiviomajokut tamainik atâtanganut.
Mel. 7.
Ill.
8.
Kenuvigijitit
ĸipilungilattit,
mikijut angijullo
igvit sappingilattit.
Mel. 205.
Ang.
9.
Kissivit
niaĸôgit!
illiniarteovogut.
Arn.
Apĸomut
idluartomut,
Nâlegaĸ, tessiortigut!
Ill.
Pitit illagilaukit,
nâlegomagaptigit,
ungamut angernitit
ivleritsainarlugit.
Mel. 151 g.
10.
Kuviagidlarluta
pairitsainartigut!
Nanẽmangâptalõnêt
ikajormitigut!
Aulatsijotôgavit,
tessiutsainakit
illingnik oĸâlajut
ĸaumaksadlarlugit.
Mel. 114.
11.
Jêsusiga, illagêt Nâlegangat,
attit uvaptingne nertornarpoĸ.
Kinguvâvut pilloriktikittauĸ
illingnullo ĸitorngautilaukit,
saimanernut illangiutitikit,
sôrlo uvaptingnut pilauravit!
Lit.
Nâlegaĸ ĸaumanerivavut Nâlekab tâĸtoĸ ĸaumaniotipâ. Nâlegaĸ aiparivlugo sorsuktut pittarungnarpakka Gûdigalo aiparivlugo avaloĸsuit aptusârvigijungnarpakka. Gûdib pitsartuneĸartipânga.
Mel. 7.
Ill.
12.
Illagêt sangẽtut
sâlaĸartungorput,
ajugaĸatsengitoĸ
pitsartunerivlugo.
Mel. 205.
13.
Nâlegaĸ,
attaviksaĸ,
okpervigẽnarpaptigit,
illingnik takonata
saimanit tungagivavut.
Okpertoĸotivillo
pitsartutigidlarpât
saimarsainit ĸaut tamât
sungertutigivlugo.
----
59.
(Illagêt uvloĸsiorvingannut illingajut.)
Mel. 205.
Kor.
1.
Illagêt
Nâlegangat
ânanaujoĸ nertorsiuk!
Nâlengneĸ
nãmagivâ,
nertutsiarangaptigo.
Inuĸotingitalo
õmamut nâlengningat
nertornautigidlarpâ,
toĸotigigamigit.
Mel. 184 a.
Ill.
2.
Nâlegavut nakorivavut,
illagêt pissiaringmagit,
piulivlugit kattitingmagit,
inônialerĸovlugit
ôma idluarijanganut,
issuanit ĸenermagit,
taimaimallo nagligosumut
najorpait pairivlugillo.
Lit.
Iglutit ânanavaksôvut illa, Nâlegaĸ Zebaot. Tarnima Nâlekab iglorusingit tussugivait ĸêmitigvigivlugillo. Uvloĸ attauseĸ iglorusingnêdlune nãmanersauvoĸ uvlunit assinginit tausendinit. Upkoamik udsertorteojomangârpunga Gûdima iglungane akkunit inneĸarnermit Gûdeĸangitut iglungine. Pillorikput iglungne igloĸartut, tâpkoa nertutsainarpâtit.
Mel. 69.
Ill.
3.
Kuvianadlarmêk
Nâlekab iglungit,
illagêktut
kattimaviksangit,
mâne
nertortaurĸovlugo.
Kor.
4.
Gûmik nellâgut
opigosudlarput
pititaujut
illagêktitarnut,
nâle-
gauvit pigilerpât.
Mel. 107.
Arn.
5.
Ovanemiut sivorlivut
tâĸtoĸsiulauĸput illa,
Ang.
ajorneĸ kivgartorlugolo
Jêsus illitaringilât,
Ill.
nerriungneĸatsenatiglo
inôtsemik nâksaungitomik.
Arn.
6.
Erĸarsautinik aulatsijub
kivgarne kajungertipait,
Ang.
ikajoriartorĸovlugit
mâne ĸellaksimajunik.
Ill.
Ullapirsaumik oĸâlajut
illapsumut mâne niuvut.
Mel. 520.
7.
Uvlome sulle
saimauserpâtigut;
oĸâlaviovogut
Gûb oĸausinginik,
sulle ajortut
ĸairĸovait ingminut
nâpkigijomavlugit
inuĸotinelo
nekoĸsitidlarpait piminut,
tarningit nãmaksitillugit.
Tamapta
ĸaut tamât
pitsiarvigivâtigut;
ĸujagidlarlavut!
Lit.
Saukatitut tamarsimajutitut ilauĸpose, mãnale sâgiarsimavose tikisimavluselo tâpsomunga sôrlo ujarĸamut ômajomut. Illipsetauĸ ujarĸatitut ômajutitut igloliangotitse tagva, igloĸsoangolerĸovluse anernelingmik ajoĸertuijuksaulerluselo ivsornaitunik, tunitjijuksaurĸovluse tunergutinik anernelingnik Gûdib idluarijanginik Jêsuse Kristusekut. Gûdible tungavilianga sôngojoĸ aulajungnangerpoĸ imaitomik nellunaikutalik: Nâlekab pine illitarivait; imaitomiglo: Kristusib attinganik taisijoĸ idluitullinermik attorungnairle.
Mel. 141.
Kor.
8.
Illagêt tamapse,
Jêsub aunganut
kibliktaumavisê
takuksaujomik?
Ill.
Kangusudlarpogut
sângne, Nâlegaĸ,
kiksartipâtigut
sunaunginipta.
Mel. 56.
9.
Nâlegarle :,:
najudlartigut!
Kenuvogut :,:
saimarsaigavit,
õmativullo aungnut
tamaita epĸêjakit,
sorairata :,:
nagligivlutit.
10.
Ajornivut :,:
pêjalaukittôĸ!
Ikkingnullo :,:
auliksoarnut
ijertortigut mãna,
tagva inôtilluta
nâletsainar :,:-
omavaptigit.
Lit.
Nâlekab Gûdipta illagilitigut, sôrlo atâtagijavut illagilaungmagit. Tâpsoma ĸemangniaratigut agganelo erĸitiniaranigit uvaptingnit, õmativut sangutillugit tâpsomunga, arvertarĸovluta apĸosiningine tamaine mallerĸovlutalo perĸojanginik illusiorĸojanginiglo idluarijanginiglo perĸolauĸtanginik atâtagijaptingnut.
Mel. 205.
Kor.
11.
Illagêt
ĸemangnagit
najutsainalaukillotôĸ!
Piulikler
tetôgavit,
tettituarivaptigit.
Ill.
Tamaita allarpavut,
ikajortetôgavit,
tamât pingortitavit
nâlegaksarivâtit.
Mel. 164.
12.
Kanoĸtôĸ nertornautingnut
illũnata nuname
illingatitsainartigut!
Takpaungartuksatitut
itsainarĸovluta,
anernivut illa
tarnivullo timivullo
pidlaraksaulerĸonagit.
----
60.
(Attanerub inûlervianut illingajut.)
Mel. 61.
Ill.
1.
Nâlegaĸ nâlengnartoĸsoaĸ nertulauruktôĸ,
tarnîk, tamanna õmamut tussugidlarpara.
Kailaurittôĸ,
ĸujalidlarlutillo
sagvairit opigungnernik!
Lit.
Kuviasudlaritse Nâlekame, idluartose; idluitailijut nertutsiaraksarivât. Piloridlarput inôĸatigêksuit Nâlekamik Gûdeĸartut. Tâpsoma illũnatik õmatingit senavait, piniarningit illũnamatsiatik kamagivait. Unatadlartunik noĸartitsivoĸ nunaĸsoarme illũnâne ullapirsauteĸartitsivlunelo kiglilervingine. Nekoĸsitipait saimanerminut nãmaksitillugillo perĸutinik.
Mel. 132 d.
Ill.
2.
Nakorijartudlarsiuk
Nâlegaĸ Gûd õmamut!
Oĸautigijartorssiuk
nertornartoĸ! Tamainut
pitsiarninga attorpoĸ,
pingortitaujut pairivait,
tarnivullo saimarpait.
Mel. 14.
Kor.
3.
Piksaptingnik tunitjijoĸ
uvaptingnut kina?
sillarnerluksiorupta
sernârtorle kina?
Ill.
4.
Ajungitunik tamainik
illingnit pivogut;
serngnigijigigaptigit,
sivôrangilagut.
Lit.
Kia Nâlekab piniarnersoangit oĸautigijungnarpagît nakorijungnarlugo nertornarninga tamât? Kujagijomavagit, Nâlegaĸ, attillo imgerutigivlugo ĸujalijutiksanik, attaneĸ saimarvigidlarangne ajungitullivigivlugolo mingoartitat. Tunidsivigivat õmatingata pijomajanganik ĸippilungilatillo õmatingata tuksiararijanganik. Koverivat saimanartunik, ĸuviasuktipat ĸuvianartunut kênavit sângane. Nâlegaĸ, ajungitullivigilauruk saimanartungortilugolo uvlut unuktut sulle.
Mel. 106.
Ill.
5.
Nâlegaĸ takunâlauruktôĸ
attanivut ĸotsiktomit;
saimanernut tessiulauruk
illangillo pairivlugit!
Tamaita ĸaumaksalaukit
ĸuviagijautillugit!
Mel. 151 g.
6.
Attaneĸ saimalauruk
saputivlugolo,
pitsiarvigẽnaruk
nekoĸsivlugolo!
Tunidjivigingmiuk
sillatudlarnermik,
attaniotillugo
idluarijarnut.
Lit.
Idluarnerub nunaĸatigêt angijorortipait, idluitullinerle inuit nachonautigivât. Taimaimat kiglisiniarta nautsertorlutalo apĸutigijaptingnik sâgialerlutalo Nâlekamut.
Mel. 132 d.
Ill.
7.
Gûde, nâletsiartomik
õmateĸartilaunga,
ĸitorngatit perĸogangne
attaneĸ nâleklugo.
Illingnut tillijaumavut
attanit, kamarĸovlugit
inuit illusinginik.
Mel. 95.
Kor.
8.
Nâlegaviksôjotille,
inuit piuligangne,
tamaita õmatingit,
Jêsuse Krist, amuakit
illingnut, tamarsimajut
tessiukit apĸutingnut!
Mel. 96.
Ill.
9.
Gûd, iglomioĸatigêt
attaruiliningillo
saimalaukit; aklujullo
sangẽtullo ikajukkit!
Ajortut idluiningit
issumagijungnailaukit!
Lit.
Nâlegaĸ, saimarveĸarnit saĸĸijârle uvaptingnut; ikajulauĸtigut! Tussaromadlarpunga Gûdib Nâlekab oĸauserijanganik, inuĸotine ullapirsaumik angervigingmagit. Illa, ikajorninga ĸannipoĸ sivôrajunut tâpsominga. Nunaptingne piloringnartoĸarletôĸ, pitsiarneĸ nertornarnerlo pârtigêktillugik, idluarnerlo ullapirsaullo kuniktigêktillugik.
Mel. 8.
Kor.
10.
Nâpkiningnernut, Jêsus,
najutsainartigut,
aĸĸonartaurĸonata
omigijiptingnut.
Ill.
11.
Saimanernut, Nâlegaĸ,
pitsartutitigut,
ajungitut tamaita
agliserĸovlugit!
12.
Nertornarnit, Gûdivut
saĸĸijâtsainarle;
ajortunit tamainit
piulilauĸtigut!
----
XI. Illagêktunik
angerarsimajunik
pitjutelit.
61.
Mel. 208.
Ill.
1.
Nekoĸsinartôjoĸ
nerriugijavut
soĸosingitoĸ!
Jêsub najugânut
itteromârtogut,
takolerlugo
pânẽtoĸ serrinartoĸ,
mânelo inôtilluta
ungagẽnarlugo.
Mel. 149.
Kor.
2.
Omamut najorsiuk
Jêsusib najugâ;
kajungervigisiuk
najuinarlugo.
Kaumajoĸ pânẽtoĸ
allarungnairsiuk
ĸeajungnairviksaĸ.
Mel. 205.
Ill.
3.
Illagêt
Nâlekame
pâne kattimganiartut,
serrijut,
nertordlertut
piloridlarnerarpavut.
Gûdib saugârsungata,
toĸotaujub pivluta
ijinginit tamaita
ĸugvit allarterivait.
Mel. 168.
4.
Igloĸsuit ĸilangmẽtut
ĸeblerlutik ĸaumavut;
nippinik tussarnertunik
nâlegit ĸotsiktomit!
Kuvianarmêk, seĸĸineĸ
nuilerpoĸ ĸaumaivlune;
uvloĸ nâniangitoĸ
nelliusinnalerpoĸ.
Mel. —58.
Ang.
5.
Kanoelârĸitâ,
takoguptigo
illinganinga ĸemergolugo
ĸannitomit?
Arn.
6.
Pinanartotôjoĸ
Gûdeviojoĸ
tellimaniglo ikkeliksôjoĸ,
opinartoĸ.
Mel. 149.
Kor.
7.
Nertordlẽnartoĸsuit
pâne Gûb sangane
najorpât Nâlegatik,
Gûb inûblo erninga;
soraijunatigle
pigitsainadlarpât
nerriugijavut.
Mel. 205.
Ill.
8.
Ahâgle
illagêlle
kapianartomit pijut
iterput
Jêsusemut,
ĸilaub ânanauninganut!
Kor.
Kanoĸ ikpigivisê,
sulle utaĸijose?
Ill.
Kuvianarmêk illa,
iterĸojaulârupta.
Mel. 168.
9.
Iglomioĸatigêkput
pâne kittiksaungitut,
Abrahakkut, nellautaijut,
itsaĸ oĸâlalauĸtut,
Apostelit nertornartut
okpertullo sivorlivut;
nippemut attautsemut
Gûmut Hallelujârput.
Mel. —58.
Ang.
10.
Timivut sangẽtut
tâpkoatauĸ Jêsub
adseĸartilerpait timiminut
pinarnartomut.
Arn.
11.
Tarnipta tamanna
nelliutuksaĸ,
takoleramitsuk ikkilertaĸ,
opigivât.
Mel. 149.
Kor.
12.
Nerriugijaksarle
sangẽtut tamaita
nekoĸsijutigivât
nunamẽnermingne.
Opinartoĸsôvoĸ
ajorneĸarata
pâne nertorlugo.
Mel. 205.
Ill.
13.
Kujanaĸ,
ĸuvianaĸ!
Jêsuse, nertorpaptigit,
illingne
najugarne
iniksaĸarĸogaptigut.
Illũnatik okpertut
ĸuviagidlarlitsuk,
takpâne sorairata
Nâlekamẽlârapta.
Mel. 230.
14.
Tarnipta annerijangat;
ĸuvê, pingitoĸatsenata
tamapta illingnẽkupta;
atsuilijut akkornganne
ikkingnut inûlimajunut
ĸuviasuĸataugupta!
Tagva uvaguttauĸ
pitinajarluta
atâtavit
perĸutinginut;
tautukpavut
mâne issumanangitut.
----
62.
Lit.
Iglutit ânanauvaksôvut illa, Nâlegaĸ Zebaot, iglutit ivsornaitoĸsôjut ĸilangme! Piloridlarput iglumioĸatitit nertordlẽnartut illingnik!
Mel. 90.
Ill.
1.
Iglutit pâne ĸilangme
ârlorvigidlarpavut;
okpertoĸsuit tagvane
nertorpâtit õmamut,
ĸuvianadlarningillo
sangẽluta takunârpavut.
2.
Agviartaujungnairupta
pâne kiksarniptingnut,
ĸujalidlarungnarpogut
ôminga ĸuviasumut;
ĸanoenata najorpavut,
ôma illagingmattigut.
Lit.
Ahâk inugiartoĸsoarnik kittitaujungnangitunik kimut, nellojunit tamainit inugasaksoarnillo ingmigolingajuniglo oĸauselingnit iksivautaĸsûb sângane nangertunik Saugârsublo sângane, annorârsimajunik ĸaĸĸortanik aggangmingnelo Palminik tigumiarlutik!
Ukkoa ĸaĸĸortanik annorâggit kikkût? nakillo pivât?
Ukkoa tagva kapianartoĸsoarmit pijut annorâtiglo ergortulauĸpait ĸaĸorsardlugillo annorâtik Saugârsub aunganut. Tamanna pivlugo Gûdib iksivautaĸsoangata sânganẽput kivgartulâllo uvlôtillugo unuarmelo tempelingane. Iksivautaĸsoarmelo iksivajub ĸollangiarvigẽnarniarpait. Kênangalo takovât attingalo ĸaunginẽpoĸ. Kâgungnairlutiglo imerugungnairput, toĸolo itsungnairpoĸ, kiksarnermiglõnêt niplianermiglõnêt ânianarnermiglõnêt pijoĸarungnairpoĸ.
Mel. 228.
Ill.
3.
Kuvianartovaksoaĸ
tâmna inornarpoĸ illa,
tussarnidlartoĸarpoĸ!
Unudlartut Gûb inungit,
Gûb pinanarsititangit
tautugominadlarput;
ânanâmik attimajut,
sâlaĸartut, nertordlertut
Gûmik allagaigivavut.
4.
Taipkoa illagivlugit
angerartut uvaptingnit
nagvâromârpavulle.
Okpernermut illagêktut
pâne illagêlârivut
nertordlerĸatigêllo
Gûmik; ĸugvit, sangẽnerit
illũnatik pêrsimavut,
ĸuvianartulle pidlarput.
Lit.
Inugiartoĸsuit nippersoangit tussarĸisigîk? Imâk oĸarput nippersoarnut: Halleluja! piuliklerneĸ nakorijaunerlo pitsartunerlo pigiligit Nâlekab Gûdipta! Engelillo iksivautaĸsoaĸ illumavlugo pâmaktervigivât tuksiarvigivlugolo oĸarput: Hailig, hailig, hailigeovoĸ Gûde Nâlegaĸ ajugaĸangitovitôjoĸ, ilauĸtoĸ tamattomanelo itoĸ ĸaijomârtorlo. Nakorijaunerlo nâlengnarnerlo sillatunerlo ĸujanarnerlo nertornarnerlo pitsartunerlo ajugaĸanginerlo Gûdipta pigiligit issoĸangitomit issoĸangitomut. Amen.
Mel. 90.
Ill.
5.
Gûdib ivsornaitoĸsôjub
Nâlegaviksôjublo
sângane, opigosumut
tuksiarvigikpatsuk,
imgerusertâĸ pidlarpoĸ:
Nertorsiuk toĸotaujoĸ!
Lit.
Saugârsuk toĸotaujoĸ nellopĸotijuksaungitoviksôjoĸ pigivlugit pitsartunerlo akluinerlo sillatunerlo sôngonerlo nâlengnarnerlo nertornarnerlo nakorijaunerlo.
Mel. 147.
Ill.
6.
Imgerusertâble
takpâne attortaujub
nertorlugo Saugârsuk
ĸilangmiojullo
opigosungningita
kajungertipâtigut,
nunamẽtilluta
paungaromavluta.
Lit.
Imâk oĸarpoĸ Nâlegaĸ: Sâlaĸartoĸ kingormgujijomârpoĸ tamainik Gûdiginiarpângalo uvangalo erneriniarpara. Ahâk, mãnakassakut ĸainiarpunga akkiliutiksaralo neksarlugo. Piloridlarput perĸojanginik nâlektut, itertarvikut iterĸovlugit Gûdib iglugasaksoaĸotinginut. Saugârsûblo iksivautaĸsûb ĸerĸânẽtub pairiniarpait tessiorlugillo imiub ômanartub puilavinginut, Gûdiblo ĸugviornerit tamaita allarterniarpait ijinginit.
Mel. 164.
Ill.
7.
Kugvivut mâne nuname
sorairomârput tagva.
Kajungervigidlarlavut
satornartoĸ takpâne.
Piviksavut pikpat,
inniksaĸarpogut
ĸaumajome, takovavut
sâlugolo Jêsusivut.
8.
Arvertarnimne nuname
pitsartutilaungminga,
okpernera sôngotitsuk,
idluarsitiminga!
sivôratsananga
torâlerĸovlunga
takpaunga, Jêsus, ilingnut,
sâlaĸartut illagivlugit.
Lit.
Saimarsauteĸarlit illũnatik Nâlegaptingnik Jêsuse Kristusemik naglingniktut illungertorlutik! Amen.
Mel. 37.
Ill.
9.
Jêsus malliklugo
piniarpunga,
nãmagijanganut
illingavlunga.
Taimailiorlunga
ũtaĸivara,
illaurĸârtinanga
takpânẽtunut.
----
Anânat Kujaliningat.
63.
Ajoĸer:
Tuksiarlaukta!
Gûdîk, Sapputjijotit illûnainik tetteĸartunik illingnut, pitsartuneĸangilaĸ illikkut kissiakut idluartoĸangilarlo illikkut kissikkut; nâpkigivallialauktiguttôĸ, aulataurĸovluta tessiortaurĸovlutalo illingnut ingergarlauĸta inôtsikut ômuna assiojirĸonnata issoĸangitunik; Tunitjivigitigut taimak, Atâtâk nagligosuktotit Jesuse Kristuse pivlugo Amen.
Kattangutivut . . . . . . tamânetoĸ tussudlarpoĸ Gude Kujagijomavlugo illagêt ukkua sângane nâpkiningninga piuliklerningalo pivlugik ikajortauvlune Gûdemut.
Nâlegaĸ saimarviĸarpoĸ idluarlunelo, Gûdivullo nâpkoarosukpoĸ. Nâlekab issumalingasuitut sapputivait. Sâlagijauleraiguma, tagva tâpsoma ikajorpânga. Kanoĸ Nâlegak akkiniarvigijaksarivigô ajungitullininginik tamainik piniarnerijanginik uvamnût? Ermgusiarsuk inûlijaunartoĸ tigujomavara, Nâlekablo attinga oĸalatigijomavara. Igvit Kujalinermik tunitsivigijomavagit, Angernerilauktamnik Nâlegaĸ akkilêvigijomavara inugiartoĸsoaĸotingita illûnatik sângine. Nâlekab iglungata avalunita illuane. Nâlegak nertorlauksiuk.
Tuksiarta
(Illagêt serĸortorput)
Ajoĸertuijoĸ
Nâlegak nâpkigitigut,
Illagêt
Kristuse napkigitigut.
Ajoĸertuijoĸ
Nâlegak nâpkigitigut
Illagêt
Kristuse, tussartigut.
Illagêt
Nâlegaĸ Gûde Atâtavut Kilangme; attit nertortaule; Nâlegaunît Kuilaule; pijomajat piniartaule nuname sôrlo Kilangme, uvlome piksaptingnik tunitjivigitigut idluinivut issumagijungnaikit, sôrlo uvagut idluitullivigijivut issumagijungnairvigigaptigik; ôktortaulungnermut pitinata; piulitigulle ajortomit! Nâlegauneĸ pitsartunerlo ânanaunerlo pigigangne issoĸangitomut Amen.
Ajoĸertuijoĸ
Nâlegâk, kivgatit piulilaukit
Illagêt
Tetteĸartut illingnut
Ajoĸertuijoĸ
Pitsartutilaukit ikajorlugillo.
Illagêt
Ullapirsautesilaulit apĸosininginne tamaine
Ajoĸertuijoĸ
Nâlegak tuksiarnivut tussalaukit
Illagêt
Nipliadlarnivullo tikkile illingnut.
Ajoĸertuijoĸ
Kujagivaptigit atâtavut Kilangme angerarvivut sapputilaurangne, piluartomiglo angerarvingmut tammatomunga tuitjilauravit piulijaunermik anânamut inotsemiglo nutararasungmut Kuviasungnermiglo illûnainut. Angajoĸak tunitjivigilaukiktôĸ saimanermik illisimanermiglo inugoijungarĸovlugik nutarsungmik naglingnerme illingnut: sôrlolo tunitjilaungmago inôtsemik attausiotilauruk illagêktoĸotingnut hailigenut, Jesuse Kristusekut Nâlegaptigut Amen.
Ajoĸertuijoĸ
Gude Kujagivaptigit âniasiortit aniariortekulluillo illisimaninga pivlugo ikajormattigut Kanimatiluta anianeĸartilutalo; Kujagivaptigillo nagliktigêngnivut angerarviptingne pivlugo Jesusiblo Kristusiblo naglingninga erĸisimiartoĸ inungnik illunainik pivlugo; Jesuse Kristusekut Nâlegaptigut Amen.
----
Ajoĸertuijuksab
Saimartitauninga
64.
ajoĸertuijomariôlerĸovlugo.
(Illagêt nikkoviput)
Lit.
Upkuaksuit nerrotosigik, upkuello sillaksoarme pôktosigik,
Ill.
attaneĸ nâlengnartoĸ itterĸovlugo.
Lit.
Igvit attaniôvotit nâlengnartotit, Kristusîk,
Ill.
Igvit Atâtab Erninga-ipotit issoKangitomik.
(Tuksiaruseĸarpoĸ)
Lit.
Ikajulauktigut, Nalegâĸ, piniarniptingne tamaine pitsiarnernut saimanartomut tessiorlutalo ikajortsainarnernernut nertordlerungnarĸovluta Illingnik piniarniptigut illûnaitigut piniartaujutigut Illingne, kingorlermiglo inôserĸarungnarĸovluta issoĸangitomik: Jêsuse Kristusekut Nâlegaptigut. Amen.
Gûde Ajugaĸangitotit tunilauktotit Ernetuarnik Jêsuse Kristusemik angajoĸaulerungnarĸovlugo illûnainik Illagêktoĸotingnut timinga-ivlutik, kitipaptigut inuĸotivit akkorngane nâpkiningnernut akkeĸangitomut saimanernullo: Anernît Ajunginît kovilauruktôĸ tunergusiaktut, uvagut ivsornaititaurĸovluta ajorniptingnit, sapputijauvlutalo okpernerme nâlengnermelo oĸausernut opigosugungnarapta Illingnik anernerme mikseĸarnermelo; Jêsuse Kristusekut Nâlegaptigut Amen.
Gûdîk Atâtavut akluitôvotit nâpkiningnerme illûnainut nipliadlartunut illingnik Kemaijuipotillo nangminernik kigligiutsijoĸarungnairomairlutit saimartitaujunik sillaksoarme; Kujagivaptigit nippît tusalauraptigik tunitjirĸovluta inôsiptingnik pitsartuniptingniglo kivgartorungnarĸovluta nâlegauvingnik.
Kuviasuktitigut kittitaugapta kivgartortut illingnik akkorngane illagêngneĸarluta Erningnut, Kennuvigivaptigillo uvagut taipkualo ikajorĸattigêgungnarĸovluta pijomajat naglingnartoĸ sillaksoaĸ pivlugo piniartaur Kovlugo.
Nikkanarsârluta kigligiutsivogut nangminiptingne pitsartuneĸanginapta sillatuneĸanginaptalo nâmaktomik piniaromavluta pijomajarnik; nerriungnivulle illingnêpoĸ pitsartuneĸaravit illisimaneĸaravillo tamainik. Nâlegak illagilauktiguttôĸ saimarlutalo saimanernut piniarnivut attingne nâmarĸovlugit sângnut; taimak tuksiarpogut Jêsuse Kristusekut, Nâlegaptigut.
(atuarsineĸarpoĸ Gûdib oĸausinginit)
(tagva Missionipta angajoĸânga Labradorime nangerpoĸ ajoĸertuijoksub sângane tâpsoma ajoĸertuijoksoaĸ oĸautivâ)
M. A. L.
Illagêt Labradoremiut pivlugit Moraviomiôvluta Kennuvigivaptigit Ajoĸertuijoksôvlutit Illagêngnut Kattangutigengnut saimartitsirĸovlutit . . . . . . . . . . . . . . . . . . . . ajoĸertuijolerĸovlugo, pitsartunikkut tunijaujokut illingnut Kristusemut Illagêktoĸotinginullo; kigligiutsivungalo Gûdib Illagêktoĸotingitalo sânganne angut una, sorlo kigligiutsiniarmat, nâmamaringmat okperuserme okpernermelo katsungaimaringmallo tussudlarningane kivgartoromavlune Kristusemik attausiovlune inuĸatinginut.
Ajoĸertuijoksoaĸ
Kristusib illagêktoĸotingita sângane, Gûdiblo attingane okperpunga kigligiutsingningnik piniarniarlunga pijomajat malliklugo.
(Oĸâlaneĸ ajoĸertuijoksoarmut.)
(Tuksiaruseĸarpoĸ)
(Illaget nikkoviput)
Ajoĸertuijoksoaĸ
Time attauseĸ, anerneĸ attauseĸ, sôrlotauĸ Kaiĸojaumagapse nerriugijaksaĸarluse attautsemik Kaiĸojaumanipsingnut. Nâlegak attauseĸ, okperneĸ attausek, baptijut attauseĸ, Gûde attauseĸ Atâtagijavullo tamapta, tamainut tâmna Nâlegaujoĸ, illûnapsigullo, illupsingnêtorlo tamapse. Illûnatale attunit saimarsaumik tunitsiviovogut Kristusib tunijinermine ôktutijanga malliklugo. Tâpsoma illangit Apostelingortilauĸpait, illangille nellautaijungortilauĸpait, illangit oĸautsinik tussarnertunik oĸâlajungortilugit, illangit pairsijungortilugit, ajoĸertuijungortilauĸpaillo, ivjornaitut nâmaktungortitaurĸovlugit kivgartûtiksaĸ sulliarijungnarlugo Kristusib timiksanga âĸiktauvalliarĸovlugo; illûnata tikkitsiariluta okpernermut attautsemut illitarĸsinermullo Gûdib erninganik angutimariolerdluta Kristusib aglisimaringninga tikidlugo.
(Ajoĸertuijoksoaĸ ajoĸertuijuksamik oĸarpoĸ)
Kaiblarpaptigit issumaksarsiormarimirĸovlutit ajoĸertuijub sulliaksangita hailigioningat pivlugit katsungaijungnarĸovlutit piniarningne, nellâgornermelo ivsornainermelo ikajortaunersivlutit nikkanarsârnerme, Gûdemit sulliaksangnut. Uvagut tillijaumajôvogut Kristuse simerdlugo kivgauvluta Nâlegauviane nellonaijairĸovluta anerninganik kigligiutsivluta Kristusib saimaninganut inôsiptigut piniarniptigullo oĸâlarKovlutalo Oĸautsinik Tussarnertunik, ikajorlutalo malliktinginik illagêngneĸarĸovlugit
Ajoĸertuijoksoaĸ
Kaitsivêt ômatimik tunijaujomik tunijomiglo Kristusib Illagêktoĸotingita kivgartortauningannût?
Ajoĸertuijuksaĸ
Ahaila
Ajoĸertuijoksoaĸ
Oĸperĸêt Oĸautsinik Hailiginik piluartomiglo Oĸausermik Omajomik, Jêsuse Kristusemik, Nâlegaptingnik Nellonaijaijomik Gûdemut, pijomajanganullo inuit pivlugît?
Ajoĸertuijuksaĸ
Ahaila
Ajoĸertuijoksoaĸ
Kajusimarikêt oĸalatsainaravit Gûdemik Omajomîk?
Ajoĸertuijuksaĸ
Ahaila
Ajoĸertuijoksoaĸ
Angermarikêt sulliĸattigêtsainaravit inuĸativît akkorngane Kattangutigêt Moraviamiut malligaksangit perĸojangillo malliklugît?
Ajoĸertuijuksaĸ
Ahaila
Ajoĸertuijoksoaĸ
Tuksiarpogut Gûde Ajugaĸangitoĸ ikajorĸovlugo kajusinît ômatingne piniarungnarĸov lutit Illagêktoĸotingita saimartitauningannut inuillo piulijauningannut Nâlegauviata tikkitsungnarninganut attingatalo ivsornaijub nertortauninganut. Amen.
Tuksiarta
Atâta nâpkigosuktotit nertorpaptigit idluarnerne tillikleravit kivgartortunik katersivingnut Kairĸojilauravillo kivgatit una ajoĸertuijolerungnarĸovlugo Illagêktoĸotingne. Kennuvigivaptigit tunitjivigilauruk saimarsautingnik Kilangmit saimartilauruk pijariaĸarninga malliklugo, soĸĸosijuijungnarĸovlugo sulliaksangine angerninginelo, Kennuvigivaptigit nikkanasârtilauruk piojorijuilunelo katsungaitilaurik kivgartorningane kigligiutsijungnarĸovlugo erĸasautimut idluartomut soĸĸosijuitsainarlune songovlunelo Ernerne Jêsuse Kristuseme Oĸausingit sivumuartilaukit oĸâlarĸonnago sullinane. Tunitjivigitigut saimanermik illaliorĸovluta oĸausinginik oĸautsingnit Hailigijunit piulijaujutiksaptingnut, taimaglo oĸausiptigut piniarniptigullo nertorlaukaptigit nâlegauvivîllo angijortitauninganik; Taimak tuksiarpogut Jêsuse Kristusekut Nâlegaptigut, Inôjokut Aulatsijokullo Illingnut Anernernullo attausionerme issoĸangitomit issoĸangitomut. Amen.
(Ajoĸertuijuksaĸ serĸortorpoĸ)
Ajoĸertuijoksoaĸ
Saimartipagit ajoĸertuijolerĸovlutit Gûdib Illagêktoĸotingane, Atâtab, Ernerublo Anernerublo Ajunginerub attingane Amen.
Nâlekab pitsartutilitit sapputilitillo Nâlekab kênarminut Kaumaksarlittit saimartilitillo Nâkekab kênarminut Kollaungiarlittit ullapirsautiminiglo tunitsivigilittit
Ill.
Jesub atingane Amen.
Ajoĸertuijoksoaĸ
Tuksiarta (illagêt serĸortorput) tuksiarlutlik ômatimikut.)
Illagêt nikkoviput
(Ajoĸertuijoksub ajoĸertuijoĸ nutâk tigulertorpâ)
Ill.
Ajoĸertuijonernît idluartoĸ nertortaule
Kivgaujotit tempelemut idluartomut
Tikkilauktotit kivgartortauromairlutit kivgartoromavlutille
Amen Halleluja, Hallelujah
Amen, Hallelujah.
Ajoĸertuijoksoaĸ
Jêsuse oĸalaukpoĸ imâk Sôrlo Atâtab tillilaungmanga taimak tillivapse. Anerneĸ Ajungineĸ pigilersiuk. Mannigoritse sillaksoaĸ sâlagivara. Ahâglo, uvlut tamaita najutsainarniarpapse, sillaksub naggatânut Uvanga, angajoĸaunerôvlunga Kattangutivit Kaiblarpagit Gûdib inuĸotingit pairilaukit tessiorlugillo Kunnulugatit. Tuksiarpungalo pivalliarĸovlutit Gûdib illisimaningane pitsartutitauvlutit pitsartunermut illûnânut Gûdib ânanauningata pitsartuninga malliklugo. Taipsomanelo Mianersijoĸ Ajungitoĸ saĸĸeromârmat illalioromârpotit niaĸotemik ananaunermik nungusuitomik.
(Oĸautsit Hailigit tunijauvut Ajoĸertuijomut nutâmut tunitjijorlo oĸartuksauvoĸ imâk)
Tunitjijoĸ
Kattangutivut . . . Kattangutigêt
Moraviamiut tillivâtit sillaksoarmut Kristuse simerdlugo tunitjivlutik aggangnut Piulijib Oĸausinginik piulijungnartunik saimaniĸĸut.
(ajoĸertuijoksub ajoĸertuijoĸ nutâk tuksiarĸovâ)
Lit.
Gûdîk Atâtavut Kilangme nellonaijailauktotit naglingnernik tilliklerlutit Ernetuanik Jesuse Kristusemik sillaksoarmut, inuit illûnaita inôseĸarungnarĸovlugit Tâpsomuna; Anernît kovilauruktoĸ illagêĸotingnut nâletsiarungnarĸovlugit perĸojarnik oĸâlavlutik Oĸâutsinik Tussarnertunik inungnut illûnainut. inuit illûnaita kattersortausarairĸovlugit nâlegauvingnut Jêsusib Kristusib Nâlegapta saimaningagnut Amen.
(Tuksiaruseĸarpoĸ)
Lit.
Ullapirsautib Gûdemit pijub, issumasiniarutiksanit tamainit anginerpângojub, ômatiselo erĸasautiselo pairilugit Kristuse Jêsuseme
Gûdiblo Ajugaĸangitub saimaninga, Atâta, Ernerlo, Anernerlo Ajunginerlo illagilise mâna issoĸangitomullo.
Amen.
Sunatuinait
O Canada
O Canada, nunagivaptigit
Inungnit naglingnersiorpotit
Omativut tettedlarput
Tautuĸoruptigit
Nunatsiavut! pivlutit
Pigâtsainarpogut
O Canada! Nunatsiaĸ
pigârpogut, inôjogut illa,
Pigârpogut pivlutit Canada
***
Gûdib Saimarluik
Gûdib saimarliuk
Attanerijavut,
Nâlengnartoĸ!
Piloridlarlune,
Nertornadlarlune,
Attaniutile
Uvaptingnut.
Saimartitsineĸ
Nâlegapta Jêsusib Kristusib saimaningata,
Gûdiblo naglingningata,
Anernerublo Ajunginerub illagêngningata, (illagilise)
Illagilitigut (illûnata) Amen.
Tâmna illipsingnik sapputsijungnartoĸ passijaksaunase, pidlaraksaunaselo saĸĸertitsijungnartoĸ illipsingnik Kuviasukluse; Gûde tâmna sillatujotôjoĸ, Piulijivut nertortaunermik pile, opigijaunermiglo, pitsartunermiglo, ajugaĸanginermiglo mâna issoĸangitoĸsoarmullo.
Amen.
Oĸautsit Sivorliarutsit
Illûnase issumaĸaritse Jêsusib Kristusib issumaĸarningatut
Fil 2.5
Tukiatsainaritse illûnainik pijarialingnik anernikkut tuksiarluse Kennuvluselo
Efes 6. 18.
Nautsertorlaunga Gûde, ômatigalo tukkisileruk; ôktorlaunga, illitarĸsilutillo Kanoĸ issumaĸarnimnik! Takkolutillo apĸomêmangârma idluitome, tessiulaunga apĸome issoĸangitonne
Img 139 23. 24.
Kaujijuksaĸ kattititaujomajuk pivlugik
Kaujitipapse
Nullêtoĸ (nullêrneĸ) . . . . . . . . . . . . . . .
Uigasuk (uigarneĸ) . . . . . . . . . . . . . . . . .
kattititaugosungmannik aiparêngnermut hailigemut. Pijarêrĸortujomut
tamattominga illinganasuramannik tuksiutijauĸojauvoĸ
kattititautailiuttaurĸojoĸarajarpallo sagvartaule
kattititauĸartinnagik.