La muziko de la dua KD de KAJTO ("Procesio Multkolora") estas same bona
kiel de la unua KD. La tekstoj estas ^generale malpli interesaj en la
dua KD, sed mi tamen forte rekomendas ^gin. Vi povas mendi ^gin de UEA.
 
Jen eble la plej interesa kanto-teksto el la dua KD:
 
-----------------------------------------------------------------------
 
^CE VIA DEKSTRA GENUO
 
Ek al la vino nun, mia amiko.
Levu la glason, eksonu muziko!
Se vere la dioj amas al Homo,
Ni helpu al ili per tosto-propono!
   Aja! Nun gaja
Ver^su memore al ne-^ceestantoj
El nobla vino kaj el novaj kantoj!
 
[Rekanta^jo:]
Donu al mi unu lokon, kara,
^Ce via dekstra genuo.
Dronu forgese la tempo amara
En duopa drinko, duobla ^guo
^Ce via dekstra genuo.
 
Ek al la ino nun, mia amiko,
Glaso fragila pro sia maldiko,
Glata kaj frida, interne brulante,
Kisita de multaj, sed pura konstante.
   Aja! Nun gaja,
Spite al fundo fendita, rompebla,
Vivu Vitr-ino eterne malfebla!
 
Ek al la kanto nun, mia amiko.
Jam pli fortikas nia fortiko.
Vino kaj ino kaj kanto kondensas,
^Cu la forestuloj tutsame potencas?
   Aja! Nun gaja!
Mia statuo surtombe perfekta
Montru almena^u min tie erekta!
 
-----------------------------------------------------------------------
 
[Piednoto por pedantoj: Mi kopiis la tekston tre fidele de la
teksto-libreto de la KD. Kompreneble mi jam rimarkis, ke en la dua
verso de la dua strofo la vorto fakte kantita estas "^sia", ne "sia"!]
 
=======================================================================
Edmund GRIMLEY EVANS                              dfkihueg@rz.uni-sb.de
=======================================================================